دبابيس
📌 دبابيس من صحف الاثنين 12 اكتوبر 2020م
ه
ه
⚠ *سؤال*:
👈 مشروع القرية الذكية بمحلية عطبرة بولاية نهر النيل الذي قامت بتدشينه وزيرة العلوم والاتصالات الدكتورة تهاني عبد الله عطية يوم السبت 30 مايو 2015 وكان مفروض تضم القرية مدرسة بأحدث وسائل التعليم الإلكتروني ومستشفى ومعامل تشخيص بتقنية متطورة ونادي اجتماعي، وجميعها تعمل بالطاقة الشمسية....
📌 حصل فيه شنو؟ .... وللمعلومية شركة سامسونج كانت قد منحت الوزارة أجهزة القرية الذكية كنموذج أول يقيّم في نهاية الفترة المتفق عليها........
ه
ه
⚠ *حجاً مبروراً*:
👈 تم تعديل اسم الدفاع الشعبي الى قوات الاحتياط وتم تعيين اللواء الركن قائد الدفاع الشعبي قائدا لقوات الاحتياط........
📌 ذكروني أهلنا زمان لما واحد منهم يمشي الحج ويرجع طوالي يضربوا باب الشارع جير ويكتبوا عليه حجاً مبرورا وسعيا مشكوراً وعمك طوالي يلبس رتبة حاج فلان ولو ما قلت له يا حاج يزعل.....
ه
ه
⚠ * هزة ارضية خفيفة في القضارف*:
👈 القضارف12-10-2020 ( سونا ) - ضربت هزة ارضية خفيفة عدد كبير من أحياء مدينة القضارف في الساعة الثالثة وخمسون دقيقة فجر اليوم (3,50)واستمرت لمدة 35 ثانيه حسب إفادة المهندس خالد الضو مدير مركز الرصد الجيلوجي بالقضارف ( لسونا ).
وأوضح المهندس خالد أن الهزة تعتبر سطحية يتراوح عمقها مابين 8 الى 10 كيلو متر ولم تحدث أي تشققات في المباني أو تصدعات ارضية ولا خسائر مادية ملحوظة.......
📌 الحمد لله على ستره ولطفه.......
ه
ه
📰 الوطن:
👈 روسيا تسلم السودان سفينة حربية
📌 أول نحن الزمن دا كله عندنا سلاح بحرية وما عندنا سفينة حربية؟
ه
📰 الوطن:
👈 تفاصيل جلسة محاكمة علي عثمان محمد طه
📌 والله الزول دا مفروض جلسة واحدة بس (شوت تو كيل) وانتهينا
ه
📰 الوطن:
👈 ارتفاع الإصابة بالحميات المجهولة في الولاية الشمالية
📌 طالما انها لم تصل الى الخرطوم معناتها دا شأن خارجي ، حكومتنا عندها السودان يعني الخرطوم
ه
📰 الوطن:
👈 أطباء يحذرون من فاشيات الحمى
📌 فاشيات ﻋﻴﻮﻧﻲ ﻳﺎ ﻧﺎﺱ ﺩﻟﻮﻧﻲ
ه
📰 الوطن:
👈 ضبط 6900 كيلو زئبق مهرب بنهر النيل
📌 هل تعلم أن المياه الملوثة بالزئبق اذا تجاوز مستواه فيها عن 14 ملغ يعتبر خطر جداً وهل تعلم أن واحد كيلو يساوي مليون (1,000,000) ملغ
ه
📰 التيار:
👈 الراجحي : اوقفنا زراعة الذرة الشامية بالسودان بسبب التكاليف
📌 أول كنتوا شايفين عندنا المسجد الأموي؟ أمشوا ازرعوهو في الشام
ه
📰 التيار:
👈 رئيس مجمع الفقه ل التيار : فضل الدين عن الدولة مستحيل
📌 والله نحن الدين ال مر علينا في التلاتين سنة الفاتو ديل غربال خرصانة يفصله عن الدولة
ه
📰 التيار:
👈 الحلو : رغم سقوط الإخوان التمييز الديني موجود
📌 دا ما تمييز يا حلو دا تمكين يعني عندك زي وكيل وزارة الاعلام مثلا ما تقدر تقول عليه تمييز ديني لكن ممكن تقول تمكين
ه
📰 التيار:
👈 إضراب مفتوح لاساتذة الجامعات
📌 دا موضوع صغيرون
ه
📰 الديمقراطي:
👈 حمدوك إبقاء السودان على لائحة الإرهاب يهدد مسار الانتقال
📌 قصدك شنو؟
ه
📰 الديمقراطي:
👈 فريق الوساطة في الخرطوم لمتابعة تنفيذ اتفاق السلام
📌 جبتوا معاكم عدة الشغل؟
ه
📰 الديمقراطي:
👈 الأمة القومي والمؤتمر السوداني يؤيدان تحرير سعر الوقود
📌 ما خلاص اللي كان كان قولوا اللهم اجعله برداً وسلاما
ه
📰 الديمقراطي:
👈 إبراهيم جابر : المؤتمر التشاوري لقضايا الشرق هو الحل
📌 يعني ما الحل في البل ؟
ه
📰 الانتباهة:
👈 استجواب هارون حول الإبادة الجماعية في دارفور
📌 أممممك..... الكلام دخل الحوش
ه
📰 الانتباهة:
👈 العدل تنهي تعديل الوثيقة الدستورية
📌 نهي موهابات سوراتا سيه
ه
📰 الانتباهة:
👈 مياة الخرطوم : فجوة 750 ألف متر مكعب يوميا
📌 دي حفرة ما فجوة
ه
📰 الانتباهة:
👈 وجدي صالح : الاستئناف لا تملك قانوناً خاص بل تنظر في قرارات لجنة التمكين
📌 تمكين البدأ يأمل ، أمله يغلبه تحقيقه
ه
📰 الانتباهة:
👈 مناع : الحكومة دون الطموح والنيابة مقصرة
📌 يعني لا شوفةً تبل الشوق ولا رداً يطمن
ه
📰 الانتباهة:
👈 تحقيق ل الانتباهة : 90٪ من مصدري الماشية تركوا القطاع
📌 ال 10% ديل شغالين مع السعوديه كرة مضرب هم يرسلوا والسعودية ترجع
ه
📰 النيل الدولية:
👈 السودان يُسجل (15) حالة جديدة بكورونا و (322) بالحميات بمحلية مروي
📌 دي أمراض والا النشرة الجوية درجة الحرارة الدنيا 15 والقصوى 322
ه
📰 آخر لحظة:
👈 الحكومة تهدد بمقاضاة أجانب يحملون الجنسية السودانية
📌 أممممممك... زباين اللواء دبيب اقصد اللواء طبيب في فتيل
ه
📰 آخر لحظة:
👈 مسؤول أسبق : وزير صدق بأموال للمنظمة وليس علي عثمان
📌 والوزير كان يقدر يقول ل علي عثمان لا؟
ه
📰 آخر لحظة:
👈 الشيوعي يدعو للنضال والحلو ينادي بعلمانية الدولة
📌 يعني شامبو وبلسم ؟
ه
📰 آخر لحظة:
👈 فريق الوساطة يسلم الحكومة اتفاق السلام
📌 أبو الزفت الحكومة جابوا ليها ورقتها ، بعد دا الا تكون حامل حتى تقعد
ه
📰 أخبار اليوم:
👈 حمدوك : لا يوجد ضمان لإستمرار الديمقراطية حتي انتخابات 2022.
📌 ستف شنطتك بس
ه
📰 أخبار اليوم:
👈 رفض واسع لرفع الدعم عن المحروقات والشيوعي والبعث يعتبرانه فشل للفترة الانتقالية.
📌 لي عند هنا الحيطان جاها بلاء مع البعث والشيوعي
ه
📰 أخبار اليوم:
👈 لينا الشيخ : 38% من المتزوجات تزوجن قاصرات و255% يواجهن هذا الخطر.
📌 خلاص نطالب لجنة التفكيك بمراجعة كل عقود الزواج ابان العهد البائد وأي زول اتزوج قاصر يطلقها فترة قدر الفرق بين عمرها وقت الزواج والعمر القانوني للزواج ثم يردها....الموافق يرفع ايده
ه
📰 أخبار اليوم:
👈 الحكومة و(الشعبية) يعقدان أولى الورش غير الرسمية بالأربعاء.
📌 غير الرسمية دي يعني ورشة تحت نيمة والا كيف
ه
📰 السوداني:
👈 أحكام رادعة لتاجري عملة و12 آخرون في انتظار المحاكمة
📌 الواحد دا ضواقة يعني
ه
📰 السوداني:
👈 النقل والمواصلات : قرار تحرير الوقود كارثي
📌 لقيتو قرار كارثي ومن أثر إنتكاسي أتعذر نعاسي ولي يومين أقاسي
ه
ه
*📌ابووضاح*
🌹🌹🌹🌹🌻🌹🌹🌹🌹
📌 دبابيس من صحف الأحد 11 اكتوبر 2020م
ه
ه
⚠ *سؤال*:
👈 ليه الناس ترفض رفع الدعم وتمشي تشتري السلع من السوق الاسود بسعر أعلى من السعر بعد رفع الدعم؟....
ه
ه
⚠ *استفسار*:
👈 الفاهم يعني شنو (مسار الشمال) ويعني شنو (مسار الوسط) والا بي يعرف التوم هجو والجاكومي يضغط الرمز (👆)؟........
ه
ه
⚠ *تاااااني قضية*:
👈 قامت وزيرة الشباب والرياضة ولاء البوشي بتدوين بلاغ في مواجهة صحفي رياضي معروف وكان قد عين مديراً للإعلام خلال الفترة الماضية إلا أنه قدم استقالته. وتحدث عن فساد بوزارة الشباب والرياضة، كما صدر أمس أمر قبض في مواجهته.. وكان يقدم برنامجاً تلفزيونياً بحسب صحيفة الدار، وكان من الكتاب الرياضيين المعروفين من الصحافيين بميوله المريخية واللجوء إلى الاحصائيات. الخرطوم: (كوش نيوز)......
📌 أقدلي وسكتي الخشامة وأنزلي في العوازل كي.......
ه
ه
⚠ *انسلاخ هجو (مسار الوسط) والجاكومي (مسار الشمال) من الثورية*:
👈 انسلخ رئيس المجلس التشريعي للجبهة الثورية التوم هجوم (مسار الوسط) ومحمد سيد أحمد الجاكومي (مسار الشمال) من الجبهة الثورية بقيادة د. الهادي إدريس، وانضما إلى قيادة أركو مناوي. وقال رئيس الجبهة الثورية، رئيس حركة تحرير السودان مني أركو مناوي أمس بحسب صحيفة الصيحة، إن هجو والجاكومي انضما إلى قيادته ورحب بهما في حركته.......
📌 قال ايه اللي جبرك على مناوي قال اللي أمنن منو....
ه
ه
📰 الوطن:
👈 واشنطن :حذف اسم السودان من قائمة الإرهاب مرتبط بالتطبيع مع إسرائيل
📌 ما عاوزين ... معاكسة كدا بس ، في زول بموت مرتين؟ وعلينا وعلى أعداءنا نجيب القاعدة ونجيب داعش وأي مارق عن القانون
ه
📰 الوطن:
👈 قرار بإغلاق مستشفى الزيتونة وتسليمه للأوقاف
📌 على قول البلابل (كيف نرفض رجوع القمراء لوطن القماري)
ه
📰 الوطن:
👈 استمرار الخلافات بين وزارة التعليم والمدارس الخاصة والوزارة ترفض الاعتراف باللجنة التسييرية
📌 الفورة مليون
ه
📰 الوطن:
👈 مجلس الأمن الدولي يطلب من الحلو وعبد الواحد اللحاق بالسلام
📌 ماذا وإلا سيبدي لهم قلقو ؟
ه
📰 التيار:
👈 تأكيداً لما انفردت به التيار وزير الطاقة والتعدين : ترتيبات لتحرير الوقود
📌 بالعربي يعني عتق رقبة الوقود
ه
📰 التيار:
👈 الحرية والتغيير : قرار تحرير الوقود كارثي
📌 والله ما كارثة الا أنتم
ه
📰 التيار:
👈 اجتماع عاصف لمجلس نظارات البجا بالبرهان
📌 بالبرهان والا بالدليل
ه
📰 التيار:
👈 التجمع الاتحادي والثورية يتفقان على برنامج عمل مشترك للمرحلة المقبلة
📌 أخير لهم من قعاد ساكت
ه
📰 الديمقراطي:
👈 وفد من شركة فيزا الأمريكية يصل الخرطوم خلال اسبوعين
📌 حلاتو صابون فيزا
ه
📰 الديمقراطي:
👈 مساعدات أوربية للمتضررين من السيول والفيضانات
📌 بيد اليورو لا بيد الدولار
ه
📰 الديمقراطي:
👈 10 ايام لمواءمة اتفاق السلام مع الوثيقة الدستورية
📌 ومن لم يجد فاطعام عشرة مساكين
ه
📰 الديمقراطي:
👈 عرمان : السلام فرض عين لبناء الدولة المدنية
📌 والفرض دا يلزم في الوضوء والا من غير ؟
ه
📰 الانتباهة:
👈 تحرير الوقود 364 جنيها لجالون الجازولين 297 للبنزين قابلة للتجديد شهرياً
📌 خلوها 366 عشان يكون جالون كبيس على وزن سنة كبيسة
ه
📰 الانتباهة:
👈 حميدتي : في ناس مالاقين يشموا ريحة اللحمة والبلد نايمة
📌 هي نايمة؟ والله نحن قايلنها ميتة
ه
📰 الانتباهة:
👈 فتوى من علماء السودان بجواز التطبيع
📌 على سنة البرهان ونتنياهو ؟
ه
📰 الانتباهة:
👈 وكيل التجارة : مقار مؤجرة بمليارات الجنيهات لفائدة منسوبي النظام البائد
📌 شيلوها انتو ، سرقة السارق يديك ليها الرازق
ه
📰 السوداني:
👈 حميدتي يسخر من حديث مدني عباس على الهواء مباشرة
📌 معاهو حق
ه
📰 السوداني:
👈 وزير التربية والتعليم ل السوداني 3 ملايين طفل خارج المدراس لضيق المواعين
📌 هي المواعين الموجودة مظلطة ووسخانة
ه
📰 السوداني:
👈 الثورية : لم تتم تسمية شاغلي المواقع السيادية والتنفيذية
📌 ما اتفقتوا لسع؟
ه
📰 السوداني:
👈 السوداني تكشف تعديل العليا على حكم فترة سريان عقوبة البشير
📌 عقوبة شنو ، دا لعب على الدقون
ه
📰 المواكب:
👈 مطالب بتشكيل التشريعي لتعديل الوثيقة الدستورية
📌 خلاص نشكل لجنة لتقوم بالعمل دا
ه
📰 المواكب:
👈 الأمم المتحدة 30% من عينات المياة في 13 ولاية ملوثة
📌 يازول والله نحن عندنا موية في ابوحمد الا تلوكها حتى تبلعها
ه
📰 المواكب:
👈 حماية المستهلك : وجود سعرين للخبز في الأسواق فساد
📌 فسادٌ بِغُنَّة ؟
ه
📰 المواكب:
👈 ترتيبات مرتقبة لإعادة هيكلة الحكومة
📌 اول حاجة هيكلوا الكرعين عشان تقدر تقيف
ه
📰 المواكب:
👈 وزير الطاقة : تحرير الوقود مسألة وقت
📌 على أقل من مهلك نحن ما مستعجلين
ه
📰 المواكب:
👈 مجلس الأمن الدولي يدعو للتنفيذ العاجل لاتفاق السلام
📌 ساعين لكم فيه
ه
📰 أخبار اليوم:
👈 إرتفاع تراكمي في الوفيات والإصابات بالحميات بالشمالية
📌 ومن لم يمت بكورونا مات بالحمى
ه
📰 أخبار اليوم:
👈 حميدتي: الحديث أن السودان سلة غذاء العالم وامتلاك 185مليون رأس مجرد أحلام.
📌 أحلام والا حسين الجسمي
ه
📰 أخبار اليوم:
👈 قيادي بالحرية: الحكومة جاءت لتحسين حياة الناس وليس لتدهورها.
📌 نفهم من كدا انه الحكومة حوصاء ؟
ه
📰 النيل الدولية:
👈 عرمان: الوساطة لم تلجأ لنهج التهديد وفرض العقوبات في مفاوضات جوبا
📌 شتتت لكم سكر ؟
ه
📰 النيل الدولية:
👈 السيسي يتفقد جناح السودان بمعرض تراثنا بالقاهرة
📌 مردودا له ان شاءالله
ه
📰 النيل الدولية:
👈 الاتفاق على تهدئة الأوضاع بولاية كسلا لمدة 6 أشهر
📌 بعد ستة شهور يا مات الوالي يا ماتوا ناس كسلا
ه
📰 النيل الدولية:
👈 عودة مستودع الشجرة الخدمة وضخ مليون لتر في محطات الوقود
📌 اللهم اجعلها شجرة مباركة واجعل زيتها كثير لا ينقطع
ه
📰 آخر لحظة:
👈 الشيوعي : أزمة الخبز ستجر وراءها أزمات
📌 والسبب شنو في رايكم؟
ه
📰 آخر لحظة:
👈 وزير الثروة الحيوانية: (نعمل بالدين وأحياناً رزق اليوم باليوم)
📌 ياهو شغل الرعاة
ه
ه
📌ابووضاح 📌
تعليقات
إرسال تعليق